Ar an teilifís: Rince ar Phár

The first major television series  exploring contemporary Irish language writing produced by Dovinia Productions will be first shown on TG4 tonight,Tuesday 6th May 2008 at 8 p.m.  The series Rince ar Phár will examine the world of Irish language writing and  provide an insight in to the works of the major Irish language writers of our time.  This series will look at the real life and times of the writers and banish the clichéd stereotypes associated with Irish writing (Peig bhocht!)
 
Major figures in Irish Literature discuss the nature of literature and the spark of Inspiration. They describe the flash of inspiration, when, 
according Liam Ó Muirthile, you ‘walk above the ground’. Biddy Jenkinson loves the spark that strikes from the sky.
 
Nuala Ní Dhomhnaill says, if she could bottle inspiration, she would sell it. The magic of words is what entrances Cathal Ó Searcaigh. When Darach Ó Scolaí began An Cléireach the image was so clear in his mind that it could have been a picture or a poem, but in the end, it took the form of a novel.
 
Get the full story in a major new series on contemporary Irish language literature
 
 Rince ar Phár, TG4, starts 8p.m. May 7th.
 
 If you want to interview the producer  and director of the series Brenda Ní Shúilleabháin will be happy to speak to you.  Her number is 087 2999616

Barr

Iomaitheoirí Chomórtas Fhilíochta an Chuairt fógartha

Mar chuid de Chuairt na bhFilí Albanacha go hÉirinn, d'eagraigh Comhdháil Náisiúnta na Gaeilge Comórtas Filíochta Dátheangach do dhánta nuachumtha i nGaeilge nó i nGàidhlig na hAlban. D'fhógair an Chomhdháil ar an gCéadaoin ainmneacha na n-iomaitheoirí a bhain an babhta ceannais amach.  Beidh deis ag an deichniúr iomaitheoirí seo a n-dán a léamh i gClub De Burgo i nGaillimh 6 Bealtaine 2008.  
 
Déanfaidh Colette Nic Aodha, Máire Holmes, Jackie Mac Donncha, Maletta Nic Pháil agus Bill Innes moltóireacht ar an gcomórtas seo.  
 
Roghnófar buaiteoir iomlán an chomórtais ar an oíche sin, agus gnóthóidh siad duais de cheardlann scríbhneoireachta de rogha an bhuaiteora ar luach nach mó na Eur500.  Foilseofar an dán i nuachtlitir na Comhdhála i mí an Mheithimh agus sa nuachtán Lá Nua. 
 
Is iad seo a leanas a bhain áit amach sa chraobh ceannais:

• 'Seal san aimsir Chaite                    
  Cáit Nic Eil, Co. Chorcaí
  
•  'Haiku'                                              
  Maureen Gallagher    Co. na Gaillimhe
  
• 'Pósae'                                    
  Muiris Ó Meara    Co. Lú
  
• 'As dèidh Tsvetaeva 's Ní Dhomhnaill'      
  Peter MacKay      Baile Átha Cliath 
  
•  'An Sorcas Iar-Nua-Aoiseach'               
   Seán Hutton    Londain
  
•  'Díchreidmheacht'                          
   Brian Mac a' Bhaird  Co. Muineacháin
  
•  'Ag Cáitheadh'                              
  Simon Ó Faoláin, Co. Chiarraí
  
•  'Dán do mo Chara'                          
  Fiona Nic Dhonnacha  Co. na Gaillimhe
  
• 'Deadea ! tae'                             
  Dan Ó Flatharta     Co. na Gaillimhe 
  
•  'Rannan na Bliadhna (12)'                  
  Niall Gordon, Albain  

Soir leis an gCuairt ansin ar an gCéadaoin 7 Bealtaine , áit a gcuirfear oíche mhór filíochta agus shiamsaíochta ar siúl do phobal na príomhchathrach, in íoslach na Comhdhála, ar Shráid Chill Dara. 

Beidh críoch bhríomhar leis an gCuairt i mbliana, nuair a bheidh na filí Albanacha páirteach i gClub Sult, a bheidh ar siúl in ionad The Vaults i mBaile Átha Cliath ar an 8 Bealtaine. 
 
  
Is scéim cheilteach sheanbhunaithe thábhachtach í An Chuairt, atá ar siúl i mbliana ón 3-8 Bealtaine.  Tá meas mór ag muintir na Gaeilge agus na Gàidhlige ar an gCuairt, go háirithe ag filí, ceoltóirí, agus amhránaithe ón dá thraidisiún atá fite fuaite lena chéile.  I measc na bhfilí agus na gceoltóirí mór le rá a ghlac páirt sa Chuairt cheana bhí Somhairle MacGill Eain, Cairstíona Primrose, agus Floraidh Nic Neill.
 
 I measc na bhfilí agus na gceoltóirí Éireannacha a chuaigh ar an gcuairt go hAlbain, bhí Máirtín Ó Direáin, Caitlín Maude, Colm Breathnach, Louis de Paor, Máiréad Ní Mhaonaigh, Seosamh Mac an Iomaire, Lasairfhíona Ní Chonaola, Bríd Ní Mhóráin agus Cathal Ó Searcaigh

Tugtar cuireadh do chraoltóirí a bheith i láthair ag an gComórtas Filíochta agus na himeachtaí go léir. Déan teagmháil le Sile Ní Chatháin ar 01 679 4780.

Barr

Tapaigí an deis bheith ar ‘Paisean Faisean’’!

I láthair na huaire tá léiritheoirí Paisean Faisean  ag cuardadh daoine fuinniúla don 5ú sraith de 'Paisean Faisean' ar TG4.
 
An bhfuil Gaeilge agat? An maith leat cúrsaí faisin? An bhfuil tú ar thóir paisin?
 
Ar mhaith leat a bheith ar an Teilifís?
 
Má tá, tapaigí an deis blas a fháil ar fhaisean agus ar ghrá ar an gclár bríomhar seo!
 
Déan teagmháil leis an gComhlacht Léiriúcháin Magmaworld láithreach! 
 
Seol ríomhphost chuig paiseanfaisean@magmaworld.com nó cuir scairt ar 091-569142 nó ar 086-8546824   
 
 www.magmaworld.com
 
 www.tg4.ie

Barr

Leabhar nua seolta ag Gaelchultúr agus Cúrsa Cruinnis ar líne Ranganna.com

Sheol an tAire Gnóthaí Pobail, Tuaithe agus Gaeltachta, Éamon Ó Cuív, TD,  seirbhísí Gaeilge an chomhlachta Gaelchultúr  an tseachtain seo caite . I measc na seirbhísí nua a fógraíodh bhí cúrsa cruinnis ar líne, an chéad cheann dá leithéid sa Ghaeilge, agus rinneadh  an leabhar Gramadach gan Stró! le hÉamonn Ó Dónaill, atá bunaithe ar an gcúrsa ar líne sin, a sheoladh chomh maith.
 
Tá réimse seirbhísí á dtairiscint ag Gaelchultúr do chomhlachtaí na hearnála poiblí le roinnt blianta anuas chun cabhrú leo seirbhís do chustaiméirí trí Ghaeilge  a fhorbairt agus na riachtanais atá ann mar gheall ar Acht na dTeangacha Oifigiúla  a chomhlíonadh, agus tá sé i gceist ag an gcomhlacht cur leo seo de réir a chéile  sna blianta atá romhainn. 
 
Beidh Gaelchultúr ag díriú ar chomhlachtaí san earnáil  phríobháideach freisin agus ag cur leis na seirbhísí atá ann don phobal i gcoitinne. Dúirt Éamonn Ó Dónaill
 
 "Tá cúrsaí oiliúna Gaeilge ag leibhéil éagsúla á reáchtáil againn ó cheann ceann na tíre faoi láthair," a deir Siobhán Seoighe, Bainisteoir Forbartha Gnó Gaelchultúr. 
 
"Táimid an-sásta leis na cúrsaí a bhí againn le tamall anuas i gcomhlachtaí éagsúla, Comhairle Cathrach Bhaile Átha Cliath, an Roinn Dlí agus Cirt, na Coimisinéirí Ioncaim agus Comhairle Contae Mhaigh Eo, ina measc. Braithimid go bhfuil an-bhorradh faoin inGaeilge san earnáil phoiblí agus go bhfuil dearcadh an-dearfach i leith na teanga i  measc na bhfostaithe."
 
Tá an cúrsa cruinnis ar líne á thástáil i gcomhlachtaí éagsúla de chuid na hearnála poiblí  le tamall anuas agus cuirfear ar fáil é ar bhonn forleathan ó mhí Iúil ar aghaidh. 
 
Bainfear úsáid as an áis seo le linn chúrsaí oiliúna Gaelchultúr ar fud na tíre  ach beidh deis ag an bpobal clárú ar líne agus an cúrsa a úsáid chomh maith.
 
 "Tá an-dua caite againn le bliain anuas leis an gcúrsa ar líne seo agus leis an leabhar gramadaí atá ag dul leis agus tá an-áthas orainn go bhfuil toradh ár  gcuid oibre le feiceáil anois,” a deir Éamonn Ó Dónaill, ar duine de stiúrthóirí Gaelchultúr é.
 
"Tá sé i gceist go mbeidh cúrsaí ar líne againn ag sé leibhéal taobh istigh de thrí bliana agus go mbeidh foghlaimeoirí i ngach cearn den domhan ag foghlaim na Gaeilge linn.”
 
 Chun agallamh a shocrú le hÉamonn Ó Dónaill, le Siobhán Seoighe (Bainisteoir Forbartha Gnó), nó le hAoife Ní Chonchúir (Bainisteoir Forbartha Curaclaim), glaoigh ar Ghaelchultúr ag (01) 675 3658 nó scríobh chuig eolas@gaelchultur.com

Barr

Cúrsaí do chainteoirí Ghaeilge na hAlban agus Ghaeilge na hÉireann

An bhfuil  spéis agat sna cosúlachtaí teanga agus cultúir atá idir Albain agus Éirinn agus an mbeadh fonn ort páirt a ghlacadh sna cúrsaí samhraidh seo a leanas ar oileáin álainn Íle agus Sgitheanach?
 
Tá Sabhal Mòr Ostaig, Coláiste Ghaeilge na hAlban agus a ionad foghlama páirtnéireachta, Ionad Chaluim Chille Ìle, le cúnamh caoin Cholm Cill, ag tairiscint sraith cúrsaí eile do chainteoirí Ghaeilge na hÉireann agus Ghaeilge na hAlban dóibhsean atá ag iarraidh Gaeilge na tíre eile a fhoghlaim.
 
Reáchtálfaidh Ionad Chaluim Chille, Oileán Ìle cúrsaí idir an 28 Iúil agus 1 Lúnasa 2008 - cúrsaí ar  Ghaeilge na hAlban do chainteoirí Ghaeilge na hÉireann  agus ar Ghaeilge na hÉireann do chainteoirí Ghaeilge na hAlban
 
I Sabhal Mòr Ostaig, Oileán Sgitheanach, tionólfar cúrsaí idir an 
4 - 8 Lúnasa 2008  do thosaitheoirí ar Ghaeilge na hAlban do chainteoirí Ghaeilge na hÉireann agus cúrsaí d’iarthosaitheoirí idir an 11 - 15 & 18 - 22 Lúnasa 2008 
 
Féadfaidh scoláirí iarratas a dhéanamh ar scoláireacht chun freastal ar na cúrsaí a thairgtear sa dá ionad. Chun mionsonraí iomlána na gcúrsaí agus na scoláireachtaí a fháil, déan teagmháil le:
 
 
 
 Anndra Dòmhnallach, Oileán Íle
 
 Teil: +44 (0) 1496 810 300
 
 Ríomhphost: sm03ad@uhi.ac.uk 

Barr

Cnuasach filíochta nua foilsithe: Síoda ar shíoda

Rogha dánta ó 700-2000
 
Eagarthóirí: Clíodna Cussen agus Mícheál Ó Ruairc
 
  
Is é atá sa leabhar seo ná duanaire de rogha dánta na n-eagarthóirí ón mbliain 700 AD anuas go dtí an bhliain 2000. Roghnaigh siad na dánta is mó a thaitin leo féin agus a chuaigh i gcion orthu. An tslat tomhais a bhí in úsáid acu sa phróiseas seo ná géilleadh i gcónaí don bhinneas, don liriciúlacht, don tsimplíocht agus don saibhreas teanga.
 
  
Is órchiste luachmhar an leabhar seo a thugann léargas cuimsitheach don ghnáthléitheoir ar éagsúlacht agus ar áilleacht na héigse a cumadh i nGaeilge le míle trí chéad bliain anuas. Tá an leabhar dírithe ar léitheoirí na filíochta Gaeilge a thugann suntas do shaibhreas agus d’fhairsinge na véarsaíochta a tháinig anuas chugainn ó ghlúin go glúin.
 
Táthar cinnte de go gcuirfidh Síoda ar Shíoda go mór lenár n-eolas agus lenár dtuiscint ar oidhreacht luachmhar ársa ár dtaisce filíochta, agus go dtarraingeofar aird an phobail léitheoireachta arís ar cheardaíocht agus ar thábhacht na bhfilí Gaeilge, agus ar an tsárobair atá ar siúl acu i gcónaí.

Barr

Jacki O’Connor- West Limerick 102

Oibríonn Jacki leis an stáisiún pobail West Limerick 102 agus bhuaigh an stáisiún Duais Ghlór na nGael le déanaí a bhí urraithe ag Coimisiún Craolacháin na hÉireann don stáisiún pobail is fearr chun an Ghaeilge a chur chun cinn.  ‘Sé seo an dara huair a bhuaigh an stáisiún sin an gradam sin.  
 
 
 1. Cad iad na forbairtí a cuireadh i bhfeidhm i mbliana sa stáisiún maidir le cláir Ghaeilge a chraoladh?
 
Bíonn dhá chlár raidió Gaeilge á gcraoladh ar West Limerick 102 FM. Is clár cainte é ceann acu agus díríonn an ceann eile ar cheol traidisiúnta.   Tá láithreoir baineann agus láithreoir fireann againn (tá an láithreoir baineann sna luath-fhichidí). 
 
Bímid ag súil i gcónaí go mbeadh éagsúlacht ar fáil ar an dá chlár seo agus go bhfreastalódh siad ar lucht éisteachta ó chúlraí éagsúla agus ó ghlúine ilchineálacha.  Bhuaigh an stáisiún Gradam Ghlór na nGael Choimisiún Craolacháin na hÉireann do Chláir Ghaeilge anuraidh 
agus i mbliana arís cé nach bhfuil an stáisiún ar an aer ach ar feadh ceithre bliana.
 
 2. Cad iad na forbairtí a rinne an stáisiún leis an nGaeilge a chur chinn cinn sa phobal máguaird?
 
Déanaimid iarracht daoine ón bpobal áitiúil a mhealladh isteach chun labhairt mar gheall ar ócáidí áitiúla ar an gclár ‘Comhrá’ agus dá thoradh sin bíonn nasc láidir leis an bpobal áitiúil agus tá sin tábhachtach ós rud é gur stáisiún pobail atá ann.
 
 
 3. An bhfuil spéis sa teanga ag an lucht éisteachta.  Samhlaím  go bhfuil an cultúr Gaelach láidir go leor fós in iarthar luimnigh , idir cheol traidisiúnta, iománaíocht agus bhunú gaelscoileanna nua i mbailte ann cosúil le Caisleán Nua Thiar.
 
Sea.  le déanaí tá dul chun mór déanta maidir le stádas na Gaeilge sa ghnáthshaol in Iarthar Luimnigh.  Tá traidisiún láidir bunaithe i gCaisleán Nua Thiar leis an ngaelscoil atá ann agus reáchtáladh Fleadh Cheoil na Mumhan ann anuraidh.  Ina theannta sin tá craobh áitiúil Chomhaltais i dTeampall an Ghleanntáin láidir go leor agus bhuaigh triúr ann craobh na hÉireann sa chomhrá Gaeilge faoi 18. Tá an duais sin buaite ag an gcraobh le trí bliana anuas agus bhí buaiteoir faoi 12 ann arís  anuraidh.  Rinneadh clár bunaithe ar éachtaí  na mbuaiteoirí sin ar West Limerick 102.
 
 4. Ar mhiste leat cur síos a dhéanamh ar na cláir Ghaeilge a bhíonn á gcraoladh ar West Limerick 102
 
Trad le do thoil le Seacailin ní Chonchúir gach oíche Luain ó leathuair tar éis a seacht go dtí a hocht agus Siar ó dheas le hÉamon ó Liatháin gach oíche Luain ó a seacht to dtí leathuair tar éis a seacht.
 
 5. An bhfuil aon chomhairle agat do stáisiúin raidió eile a bheadh ag iarraidh gníomhachtaí a dhéanamh leis an nGaeilge a chur chun cinn?

• Bígí cinnte go gcuirfear oiliúint  i léiriúcháin  cláir Ghaeilge ar fáil d’oibrithe deonacha 
  
• Bainigí leas as naisc Ghaeilge idir seónna
  
• Má tá Gaelscoil i do cheantarsa téigí chuig an scoil sin, déan clár leo agus craol an clár sin.  Beidh daoine óga ann ag labhairt as Gaeilge  agus ag cur in iúil don phobal i gcoitinne cad a bhíonn ag tarlú sa scoil.  Ina theannta sin, tabharfaidh sé deis don lucht éisteachta níos óige páirt a ghlacadh agus cruthóidh é deiseanna dóibh. 
   

Tá foirmeacha iarratais do Ghradam Ghlór na nGael 2008 ar fáil anois ar Cogar.ie anseo.  

Barr

Treoirlínte Eisithe Ag Bci Coimisiúin Craolacháin Na Héireann Maidir Le Tuairisciú Ar An Reifreann Ar Chonradh Liospóin Agus Ar Leasuithe Bunreachta A Bhaineann Leis

D’eisigh Coimisiún Craolacháin na hÉireann inniu ( Dé Céadaoin 30 Aibreán) a tHreoirlínte do chraoltóirí tráchtála, chraoltóirí pobail, chraoltóirí  institiúideacha, agus do chraoltóirí sealadacha. roimh an Reifreann ar Chonradh Liospóin atá le teacht.  Cuirfear na treoracha i bhfeidhm tar éis fhógra an rialtais a dhearbhóidh cathain a reáchtálfar an reifreann.
 
 
 Is féidir na treoirlínte a íoslódáil anseo 
 

 [Ar Lean] 
 

Barr

Sonraí maidir le seirbhís pobail sainspéise nua i gCathair Chorcaí fógartha ag Coimisiún Craolacháin na hÉireann

D’fhógair Coimisiún Craolacháin na hÉireann (BCI) inniu ( 22 Aibreán) sonraí maidir le seirbhís sainspéise do chathair Chorcaí.Seolfaidh Life FM an tseirbhís nua inniu agus tá siad tar éis conradh deich mbliana a shíniú le Coimisiún Craolacháin na hÉireann chun seirbhís sainspéise a chur ar fáil.
 
 [Ar lean]

Barr

Babhta 2008 Scéim Mhaoiniúcháin do Thaighde ar na Meáin oscailte ag CCE (BCI)

D’fhógair Coimisiún Craolacháin na hÉireann sonraí inniu maidir le dhá thionscnamh deontais faoin Scéim Mhaoiniúcháin do Thaighde ar na Meáin. 
 
Bunaíodh an scéim i 2007 agus thug sé maoiniú do thrí thionscnamh taighde go dtí an lá inniu ann dar luach Eur48,000: dhá cheann ag scrúdú na déimeagrafaice  atá ag athrú in Éirinn agus rinne an tionscnamh eile iniúchadh ar litearthacht Meáin i measc daoine 25-34 bliain d’aois.
 
 [Ar Lean]

Barr

Eur1.1 milliún Bronnta ag Coimisiúin Craolacháin na hÉireann ar Raidió sa scéim Fuaim agus Fís

D’fhógair Coimisiún Craolacháin na hÉireann (BCI) inniu gur bronnadh Eur1,126,490 ar chláir raidió sa séú  babhta den scéim Fuaim agus Fís an scéim mhaoiniúcháin chraoltóireachta.  San iomlán caitheadh Eur4.3m ar thograí raidió ó thús na scéime.  Fógraíodh na sonraí ag seoladh na  tuarascála  bliantúla Fuaim agus Fís.
 
Fuarthas 29 iarratas raidió sa séú babhta  agus fuair 91 díobh siúd maoiniú. ‘Se sin méadú suntasach ón 92 iarratas a fuarthas i mbabhta 5.  Fuair Cláir faisnéise 74% den mhaoiniú.  Fuair seánraí eile cosúil le cláir fhíriciúla, cláir spóirt, drámaí, cláir oideachais agus cláir do pháistí maoiniú. Craolfar 42 % de na cláir a fuair maoiniú  ar stáisiúin raidió pobail, 33% ar stáisiúin tráchtála, 23% ar  chraoltóirí seirbhíse poiblí agus 2% ar raidió sainspéise.
 
 [Ar Lean]